Verbum Dei
"Quia Dóminus Deus tuus Ipse est ductor tuus, et non dimíttet, nec derelínquet te." (Dt. 31, 6)
"Si consístant advérsum me castra, non timébit cor meum; si exsúrgat advérsum me praelium, in hoc ego sperábo." (Ps. 26, 3)
"Dóminus Deus auxiliátor meus, ídeo non sum confúsus ; ídeo pósui fáciem meam ut petram duríssimam, et scio quóniam non confúndar. Juxta est qui justíficat me ; quis contradícet mihi? Stemus simul ; quis est adversárius meus? accédat ad me. Ecce Dóminus Deus auxiliátor meus; quis est qui condémnet me? Ecce omnes quasi vestiméntum conteréntur; tínea cómedet eos." (Is 50, 7-9)
"Bonum est confídere in Dómino, quam confídere in hómine. Bonum est speráre in Dómino, quam speráre in princípibus." (Ps. 117, 8-9)
"Habe fidúciam in Dómino ex toto corde tuo, et ne innitáris prudéntiæ tuæ." (Pv. 3, 5)
"Benedíctus vir qui confídit in Dómino, et erit Dóminus fidúcia ejus." (Jer. 17, 7)
"Ego autem ad Dóminum aspíciam; exspectábo Deum, salvatórem meum: áudiet me Deus meus." (Mic. 7, 7)
"Et scitóte quóniam mirificávit Dóminus Sanctum Suum; Dóminus exáudiet me cum clamávero ad Eum." (Ps. 4, 4)
"Secúndum præfinitiónem sæculórum, quam fecit in Christo Jesu Dómino nostro: in quo habémus fidúciam, et accéssum in confidéntia per fidem Ejus." (Ep. 3, 11-12)
"Scio enim cui crédidi, et certus sum quia potens est depósitum meum serváre in illum diem." (2 Tim. 1, 12)
"Gaudens gaudébo in Dómino, et exsultábit ánima mea in Deo meo, quia índuit me vestiméntis salútis, et induménto justítiæ circúmdedit me" (Is. 61, 10)
"Quam magna multitúdo dulcédinis tuæ, Dómine, quam abscondísti timéntibus Te; perfecísti eis qui sperant in Te in conspéctu filiórum hóminum!" (Ps. 30, 20)
"Nolíte ítaque amíttere confidéntiam vestram, quæ magnam habet remuneratiónem." (Heb. 10, 35)